Monday, December 28, 2009

သတိပြုမိကြစေလို

"ငါအိုသွားတဲ့အခါ ငါဟာ အရင်က ငါမဟုတ်တော့ဘူး၊ ငါ့ကို နားလည်ပေးပါ၊ စိတ်ရှည်ရှည်ထား ဆက်ဆံပေးပါ။"

"ချိနဲ့နဲ့လက်တွေနဲ့ ထမင်းဟင်းတွေ အင်္ကျီပေါ် လောင်းမိတဲ့အခါ၊ ဖိနပ်ကြိုးတွေ ချည်ဖို့မေ့သွားတဲ့အခါ၊ ငါ့ကို မရွံပါနဲ့၊ ငယ်ငယ်တုန်းက ငါသင်ပေးခဲ့တာတွေကို ကျေးဇူးပြုပြီး သတိရပေးပါ။ "

"အပ်ကြောင်းထပ်မက ပြောဖူးတဲ့ စကားတွေကို ငါပြန်ပြောမိတဲ့အခါ စကားမဖြတ်ဘဲ ကျေးဇူးပြုပြီး နားထောင်ပေးပါ၊ ငယ်ငယ်တုန်းက အိပ်ရာဝင်တိုင်း တစ်ထောင့်တည ပုံပြင်တွေကို မရိုးအောင် ပြောရင်း ငါချော့သိပ်ခဲ့ဖူးတာတွေကို သတိရပေးပါ။"

"မလှုပ်မရှားနိုင်လို့ ရေချိုးဖို့ အကူအညီ လိုတဲ့အခါ ငါ့ကိုမငြိုငြင်ပါနဲ့၊ ငယ်ငယ်တုန်းက ချော့တစ်လှည့် ခြောက်တစ်ခါ ရေချိုးပေးခဲ့ဖူးတဲ့ ပုံရိပ်လေးကို မြင်ယောင်ပေးပါ။"

"ခေတ်သစ်၊ နည်းပညာသစ်တွေကို မသိနားမလည်ခဲ့ရင် ငါ့ကိုမလှောင်ပါနဲ့၊ ငယ်ငယ်တုန်းက “ဘာကြောင့်”ဆိုတဲ့ မေးခွန်းတိုင်းကို စိတ်ရှည်စွာ ငါပြန်ဖြေခဲ့တာကို သတိရပေးပါ။"

"စိတ်သွားတိုင်း ကိုယ်မပါ နွမ်းလျပြီး လမ်းမလျောက်နိုင်တဲ့အခါ ခွန်အားပါတဲ့ လက်တစ်စုံနဲ့ ငါကိုကူတွဲပေးပါ။ လမ်းလျောက်သင်စ အရွယ်တုန်းက တစ်လှမ်းချင်း လှမ်းလျောက်ကျင့်ပေးခဲ့ ဖူးတာကို ကျေးဇူးပြုပြီး သတိရပေးပါ။"

"အသက်ကြီးလာလို့ စကားပြောရာမှာ ရှေ့နောက်မညီဘဲ အကြောင်းအရာ တွေကို ငါမေ့သွားတဲ့အခါ အချိန်ပေးပြီး စဉ်းစားခွင့်ပေးပါ၊ စကားအကြောင်းအရာတွေက ငါ့အတွက် အရေးမကြီးပါဘူး။ ဘေးကနေ ငါပြောသမျှကို နားထောင်ပေးရင် ကျေနပ်ပါပြီ။"

"တစ်နေ့ထက် တစ်နေ့ အိုစာသွားတဲ့ ငါ့ကိုကြည့်ပြီး ၀မ်းမနည်းပါနဲ့၊ နားလည်ပေးပါ အားပေးပါ၊ အရင်တုန်းက လူ့ဘ၀ တက်လမ်းအတွက် ငါလမ်းညွှန်ခဲ့သလို အခုအချိန်မှာ ငါ့ဘ၀နောက်ဆုံး အချိန်တွေအတွက် အဖော်ပြုပေးပါ။ အချစ်နဲ့ အေးမျှမှုတွေကို ငါပြုံးပြုံးလေး လက်ခံမှာပါ။ အဲဒီအပြုံးတွေထဲမှာ မဆုံးတဲ့ ငါ့မေတ္တာတွေ တွေ့ရမှာပါ။"




ဒါကိုဖတ်ပြီးလို့ အတွေးတစ်ခုဝင်လာတယ်
ဒို့တတွေ အိုမင်းနေတဲ့ မိဘတွေနဲ့ နီးနီးကပ်ကပ် နေသင့်နေပြီ
ခုတော့ အဝေးမှာရောက်နေတော့ မိဘကို ရည်မှန်းကန်တော့ရုံကလွဲလို့ 
မတတ်နိုင်ဘူး ကွယ်.. မိဘတွေ စိတ်ကျေနပ်ဖို့ မကောင်းတာ ဘာမှ မလုပ်ဖို့ပဲ ဆုံးဖြတ်ထားပါတယ် တစ်ခုတော့ ပို့သချင်ပါတယ် သားထွေး ပြုလိုက်သော ကုသိုလ်ကောင်းမှု မှန်သမျှ မိဘများ သာဓု ခေါ်နိုင်ပါစေသတည်းလို့ အာရုံတွေကို စုစည်းပြီး မမြင်ရတဲ့ စွမ်းအားများနဲ့ ပို့ဆောင်နေပါတယ် ရောက်ရှိပါစေ အားလုံးကို အမျှဝေလိုက်ပါသည်..... အို မိခင်.. ဖခင်... .။


သားထွေး


3 comments:

  1. မနက်အိပ်ယာနိုးတဲ့အချိန် ဒီပို့စ်လေးကိုဖတ်မိတယ်.. စိတ်ထဲ တော်တော်လေး ထိခိုက်မိတယ်..အမေနဲ့အဖေကို သတိရတယ်..ပြန်လို့မဖြစ်သေးတဲ့အချိန် သားထွေးလေး ပြောသလိုပဲ..မိဘစိတ်မချမ်းသာစေမယ့် အရာတွေကို မလုပ်မိစေဖို့ ရှောင်ကျဉ်နေလိုက်တာဟာ မိဘကို စိတ်ချမ်းသာအောင်ထားတာပဲလို့ ယူဆထားတယ် ကမ္ဘာလုံးက မိဘတွေ စိတ်ချမ်းသာ ကိုယ်ကျမ်းမာရှိကြပါစေ

    ReplyDelete
  2. ကိုသားထွေးရေ..
    ဒီစာလေးတွေက အင်မတန်ကို တန်ဘိုးရှိတဲ့ စာသားလေးတွေပါ

    ဘယ်နှစ်ခါဖတ်ဖတ်.. အမြဲတမ်း အမှတ်ရစေပါတယ်

    ReplyDelete
  3. မနိုင်းနိုင်းစနေရေးခဲ့တဲ့ အဖိုးတန်စာလေးကို ပြန်ဝေမျှပေးလို့ ကျေးဇူးတင်ပါတယ်။ မိဘတွေကို ထပ်ပြီးသတိရမိပါတယ်။

    ReplyDelete

အနော်ခရီးဆက်နှင်းရန် အားမနာတမ်း ဝေဖန်ပေးနိုင်သည့် လောင်စာလိုအပ်နေပါသည်။